Одамларни кандай кизиктирса булади

Одамларни

Одамларни кандай кизиктирса булади

Хўш, сиз билан учрашган ва суҳбатлашаётган одамни қандай қилиб қизиқтириш мумкин? Бу осон емасга ўхшайди. Қандай қилиб бунинг уддасидан чиқиш мумкин.

Сиз Американинг машхур презденти Теодор Рузвелт ҳақида ешитганмисиз. Унинг қабулида бўлган ҳар қандай киши унинг билимлари серқирра ва кенг миқёсдалигидан ҳайратга тушар еди. Ковбой бўладими, дипломатми Рузвелт ҳаммасининг тилини топа биларди.

У бунга қандай қилиб еришган екан? Жавоби оддий, ҳар сафар у кутаётган кишиси ташрифидан бир кун олдин ярим тунгача меҳмонни қизиқтирадиган мавзулардаги адабиётларга кўз ташлаб чиқар еди. Кишининг қалбига йўл топишнинг енг тўғри йўли – у қадрлайдиган нарсалар ҳақида гапириши еканлигини яхши биларди. йирик университетлардан бирининг профессори болалик чоғидаги бир воқеани еслайди:

«Саккиз яшар чоғим. Таътилни дарё бўйида яшайдиган холамникида ўтказаётган еди. Бир куни ўрта ёшлардаги одам пайдо бўлиб, холам билан илиқ ҳол-аҳвол сўрашди. Кейин бирдан менга еътибор қаратди. Мен қайиқлар атрофида ўйнаб юрардим.

Ҳалиги киши қайиқлар ҳақида шунақанги қизиқ гапларни гапирардики, мен лол қолдим. У қайиқлар билимдони сифатида менда зўр таассурот қолдирган еди. Аммо холамнинг айтишича, у адвокат бўлиб, қайиқчилик соҳасига мутлақо даҳли йўқ екан. «Унда нега қайиқлар тўғрисида гапирди?» сўрадим мен.

Чунки у маданиятли киши, – деди холам, – сени қайиқлар қизиқтиришини сезди ва кўнгилли таассурот қолдириш учун фақат сенга ёққан мавзуда гапирди. Мен буни бир умрга еслаб қолдим.» Суҳбатдошингиз билан фақат у қизиққан мавзуда гапириш ишбилармонликнинг яхши усулими?

Сиз нима деб ўйлайсиз? Тасаввур қилинг сиз ўз махсулотингизга буюртма олиш учун бир киши билан учрашдингиз, гапни нимадан бошлайсиз, тахминимча, ўзингиз ишлаб чиқараётган махсулотнинг сифати ва унинг нақадар фойдали еканлиги ҳақида. Бироқ бу уни қизиқтирмайди.

Сиз бу йўл билан махсулотингизга буюртма ололмайсиз. Аммо, сиз ўз қизиқишларингиз ҳақида емас, унинг қизиқишлари ҳақида сўз очсангиз, суҳбатдошингизнинг юзлари ёришиб кетганини кўрасиз. Қанчалик вақти тиғизлигига қарамай, у сизга ўз қизиқиши ҳақида соатлаб гапириши мумкин. Бу пайтда еса сиз унда ўзингизга нисбатан яхши фикрларни уйғотиб оласиз. Кимлардир тўрт йил мобайнида ериша олмаган ютуқларга еришишингиз мумкин.

Баъзилар бошқаларда яхши таассурот қолдириш учун, ҳушомад гаплардан гапиришади, баъзилар мақтовлар-кетидан мақтовлар ёғдиради, кимдир еса ёрдам беради. Хушомад суҳбатдошингизни бездиради, айниқса унинг соҳталиги билиниб турса, мақтов еса ҳаммага ҳам бир хил таъсир қилавермайди.

Ёрдам ҳам унутилади. Сизга берадиган маслаҳатимиз, одамларга ёқишни истасангиз, қуйидаги маслаҳатимизга амал қилинг. Суҳбатдошингизни қизиқтирган мавзуда гапиринг. Агар у одамнинг нималарга қизиқиши ҳақида билмасангиз, унга яқин бўлган одамлар ёки у билан авваллари ҳамсуҳбат бўлган кишилар орқали сездирмасдан сўраб олинг.

У одам билан қизиқиш сизнинг вақтингизни олсада, ишингизнинг унумли бўлишини, суҳбатнинг қизиқарли кечишини ва суҳбатдошингизнинг сизни ёқтириб қолишини таъминлайди.

(Visited 109 times, 1 visits today)

Related posts

Leave a Comment